Сімболы села
Сімболы села Вышня Писана суть записаны до Гералдічного реґістра Словеньской републікы під сіґнатуров В – 172/2001 в такій подобі:
Ерб села
У стрїбернім щітї по дооблука зеленїтій луцї крачать допереду позераючій хлоп, облеченый в зеленім шматю і в чорнім калапі, обутый в чіжмах, з чорнов торбов через лїве плече а з правов руков притримуючій пажбу чорной пушкы на правім плечу.
Прапор села
На прапорї села суть три поздовжны смугы білой, чорной і зеленой фарбы. Бокы прапора суть великы 2:3, на кінцю прапора суть три зарїзы, якы засягують до третины ёго довжкы.
Печать села
Печать села є округла, всерединї із сімболом і кругописом: OBEC VYŠNÁ PISANÁ. Алтернатівна печать є в русиньскім языку написана азбуков: СЕЛО ВЫШНЯ ПИСАНА.
Сімболы села Вышня Писана Сїльске заступительство схвалило на засїданю 25. юна 2001 резолуціов чісло 15/2001.
